Павлодарда полицияның кешенді күштері үшін жалпы гарнизондық нұсқаулық өткізілді

1 маусымда Павлодар облысы аумағында «Қарасора-2025» республикалық жедел-алдын алу іс-шарасы басталды. Ол 31 қазанға дейін жалғасады.

Басты мақсат – құрамында есірткі бар өсімдіктердің заңсыз егістерін, олардың жабайы түрде өсу ошақтарын анықтау, алдын алу және жою, сондай-ақ тыйым салынған заттардың заңсыз айналымымен айналысатын тұлғалардың олар өсетін жерлерге, сақтау және өңдеу объектілеріне қол жеткізуіне жол бермеу.

Операция аясындағы іс-шаралар полиция қызметкерлерімен бірге басқа құқық қорғау органдары, жергілікті атқарушы органдар, қоғамдық ұйымдар, сондай-ақ өңірдегі ауыл шаруашылығы қожалықтарының, саяжай кооперативтері мен бағбандар серіктестіктерінің басшыларымен бірлесіп жүзеге асырылады.

Полиция қызметкерлері мен Ұлттық ұланның әскери қызметшілеріне есірткі және психотроптық заттардың заңсыз айналымы саласындағы құқық бұзушылықтардың алдын алуды күшейту мақсатында басым бағыттар белгіленді. Есірткі зертханаларының қызметін тоқтатуға ерекше назар аударылатын болады.

Ерекше көңіл профилактикалық жұмысқа бөлінеді. Бұл – Қазақстан Республикасы Ішкі істер министрі жариялаған профилактика жылы мен есірткі құралдарын теріс пайдалану және олардың заңсыз айналымымен күрес жөніндегі халықаралық күнге орайластырылған айлық аясындағы жұмыс.

Полиция департаменті есірткі құрамындағы өсімдіктерді өсіру қылмыстық жауапкершілікке әкеп соғатынын еске салады. Қазақстан Республикасы Қылмыстық кодексінің 300-бабында бұл әрекет үшін 12 жылға дейін бас бостандығынан айыру жазасы қарастырылған.
Азаматтар, кәсіпорындар мен ұйымдар өз аумағында өздігінен өсіп шыққан есірткі құрамдас өсімдіктерді жоюға қатысудан бас тартқан және ішкі істер органдарының нұсқамаларын орындамаған жағдайда, Қазақстан Республикасының Әкімшілік құқық бұзушылық туралы кодексінің 420-бабына сәйкес әкімшілік жауапкершілікке тартылады.

Полиция есірткі құрамдас өсімдіктердің өсу орындары және оларды өсіру фактілері туралы белгілі болған жағдайда, жақын маңдағы полиция бөліміне 102 нөмірі арқылы немесе «Police 102» мобильді қосымшасы арқылы хабарлауға шақырады.

Ақпарат көзі : https://www.gov.kz/memleket/entities/mvd-pavlodar/press/news/details/1011346?lang=kk