Құрметті түлектер, ардақты ұстаздар, қадірлі жаттықтырушылар және аяулы ата-аналар! Соңғы қоңырау – жаңа бастамалардың жаршысы!
Бүгін – айрықша күн. Спортқа бейім дарынды балаларға арналған облыстық мамандандырылған мектеп-интернатының 53 түлегі үшін бүгін соңғы қоңырау үні естіледі. Бұл – қоштасу емес, керісінше үлкен сындарға, жаңа рекордтар мен асқаралы жетістіктерге бастайтын қадам!
Сіздер оқу мен спортты, жаттығу мен жарысты қатар алып жүрдіңіздер. Сіздер – Солтүстік Қазақстан спортының мақтанышы әрі болашағынан зор үміт күттіретін жастарысыздар. Сіздер – болашақ чемпиондар, көш бастаушылар мен білікті тәлімгерлерсіздер. Біз сіздерге сенім артамыз!
Естеріңізде сақтаңыздар: Сіздердің алғашқы қадамдарыңыз осы мектептен бастау алды. Сіздерді тәрбиелеген ұстаздарға, жаттықтырушылар мен ата-аналарға зор алғысымызды білдіреміз.
Ізгі тілекпен, СҚО дене шынықтыру және спорт басқармасы басшысының міндетін атқарушы Әділхан Сағындықов
Ақпарат көзі : https://www.gov.kz/memleket/entities/sko-sport/press/news/details/1003334?lang=kk
Жауап қалдыру