Сыбайлас жемқорлыққа қарсы іс-қимыл Агенттігінің Ұлытау облысы бойынша департаменті азаматтарды сыбайлас жемқорлық құқықбұзушылықтарына бейжай қарамауға және оларды анықтау мен жолын кесуге белсенді атсалысуға шақырады.
Мысалы, жақында болған жағдайлардың бірінде Қылмыстық-атқару жүйесі мекемесінің қызметкерлері арызданушының сотталған күйеуіне интернетке қол жеткізуге жәрдемдесу үшін 50 мың теңге көлемінде пара алған.
Азаматшаның уақтылы хабарлауының арқасында бұл сыбайлас жемқорлық фактісі жазасыз қалмады – кінәлілер ұсталып, тиісті жазасын алды.
Бұл жағдай – адал азаматтық ұстанымның маңыздылығын айқын көрсететін мысал.
Мемлекет, өз кезегінде, сыбайлас жемқорлық фактілері туралы хабарлаған адамдарды жан-жақты қорғайды, ал олардың жеке мәліметтерін жариялағандар қылмыстық жауапкершілікке тартылады.
Сыбайлас жемқорлыққа қарсы қызмет барлық азаматтарды сыбайлас жемқорлық фактілерін білген жағдайда үнсіз қалмай, 1424 нөміріндегі Call-орталыққа қоңырау шалуға немесе +7 777 000 14 24 WhatsApp нөміріне жазуға шақырады.
Әділеттілік – әрқайсымыздан басталады.
#ЗАҢжәнеТӘРТІП
#ЗАҢ_ЖӘНЕ_ТӘРТІП
Ақпарат көзі : https://www.gov.kz/memleket/entities/anticorruption-ulytau/press/news/details/1026067?lang=kk
Жауап қалдыру