Мақтаарал ауданының прокуратурасы «Заң мен Тәртіп» қағидаты негізінде мектеп оқушыларына жол қозғалысы қауіпсіздігін насихаттайтын көрнекі профилактикалық іс-шара ұйымдастырды.
Шара барысында арнайы автобус пен ауыр жүк көлігі алаңға жеткізіліп, балаларға:
-қоғамдық көліктен қауіпсіз түсу жолдары;
-жолды дұрыс және қауіпсіз кесіп өту тәртібі;
-ауыр жүк көліктерінің «соқыр аймақтары» және олардың қауіптілігі түсіндірілді.
Балаларға үлкен көлік жанында тұрған жаяу жүргіншіні жүргізушінің көре алмау ықтималдығы нақты тәжірибе арқылы көрсетілді.
Іс-шараның басты мақсаты — балалардың құқықтық мәдениетін арттырып, жол қозғалысы ережелерін сақтау дағдыларын қалыптастыру, сондай-ақ жол-көлік оқиғаларының алдын алу.
Прокуратура өкілдері жол қозғалысына қатысушылардың тәртіпке бағынуы — қоғам қауіпсіздігінің негізі екенін атап өтті.
Түркістан облысының прокуратурасы
Ақпарат көзі : https://www.gov.kz/memleket/entities/prokuratura-turkestan/press/news/details/1025966?lang=kk
Жауап қалдыру