1 маусым күні Теміртау қаласындағы балалар мен жасөспірімдер театрында 35-театр маусымының жабылуы өтті. Маусым соңын екі бөлімді спектакльдің премьерасы түйіндеді. Қоюшы-режиссері – Олег Керимов, қоюшы-суретші – Татьяна Ушакова.
Спектакль оқиғасы XIX ғасырдың ортасындағы шағын провинциялық қалада өрбиді. Алғашында күлкілі көрінген кейіпкерлер шын мәнінде қулық пен ашкөздікке толы қоғамның бейнесі. Олардың бар арманы — пайда, ақша, жеке мүдде. «Қасқырлар» мен «қойлардан» құралған бұл қоғамда кімнің кім екенін ажырату қиын — «қасқыр» қой сияқты көрінуі мүмкін, ал «қой» — қасқырдай әрекет етеді.
Көрермендер қойылымды жылы қабылдап, театр ұжымы тағы да кәсіби шеберлік пен терең актерлік ойды көрсете білді. Бұл қойылым — мазмұнды маусымның жарқын қорытындысы болды.
Ақпарат көзі : https://www.gov.kz/memleket/entities/karaganda-madeniet/press/news/details/1026700?lang=kk
Жауап қалдыру