Астана, 2025 жылғы 31 шілде — Үкіметтегі баспасөз конференциясы барысында ҚР Энергетика министрі Ерлан Аккенженов Баку — Тбилиси — Жейхан (БТЖ) мұнай құбыры арқылы қазақстандық мұнайды тасымалдау көлемін ұлғайту жоспарлары туралы хабарлады.
Министрдің айтуынша, 2025 жылы аталған бағыт бойынша 1,7 млн тонна мұнай тасымалдау жоспарланып отыр. Салыстыра айтқанда, былтыр бұл көрсеткіш шамамен 1,4 млн тоннаны құраған. Ағымдағы жылдың алғашқы жартыжылдығында ғана шамамен 800 мың тонна мұнай тасымалданған, ал көлемді арттыру жұмыстары жалғасуда.
«Баку — Тбилиси — Жейхан бағыты — қазақстандық мұнайдың баламалы экспорт жолдарының бірі болып табылады және біз оның әлеуетін біртіндеп арттыруға ниеттіміз», — деді Ерлан Ақкенженов.
Сонымен қатар, тараптар Баку — Тбилиси — Жейхан бағытын одан әрі дамыту мақсатында ынтымақтастықты тереңдетуге дайын екендерін білдірді. Бұл — жеткізу көлемін арттыру, логистикалық процестерді оңтайландыру және қолданыстағы шектеулерді жою бойынша үйлестірілген әрекеттерді қамтиды. Келісім аясында маршруттың тиімділігі мен тұрақтылығын арттыру бойынша бірлескен шаралар жүзеге асырылады.
БТЖ бағыты бойынша жеткізілімдердің кеңеюі Қазақстанның экспорттық тұрақтылығын нығайтып, логистикадағы икемділікті арттырып, елдің халықаралық энергетикалық нарықтардағы позициясын күшейтеді.
Ақпарат көзі : https://www.gov.kz/memleket/entities/energo/press/news/details/1043966?lang=kk
Жауап қалдыру