Құрметті Өскемен қаласының тұрғындары!
Қала прокуратурасы сіздерге аса алаңдатарлық мәселеге байланысты жүгінеді.
Қаламызда төзбеуге болатын жағдай қалыптасып отыр – балалардың терезеден құлап кету фактілері жалғасуда.
2024 жылы мұндай 4 қайғылы жағдай тіркелсе, 2025 жылдың өткен кезеңінде – 7 оқиға болды. Өкінішке қарай, үшеуі бала өлімімен аяқталды.
Барлық жағдайларда ортақ мән-жайлар байқалды: ашық тұрған терезе, қауіпсіздік құралы ретінде қате қабылданатын маса торы және бір сәтке назардан тыс қалған бала.
Балалар – қызығушылығы басым, қозғалысы белсенді. Қайғылы жағдай үшін бір ғана сәт жеткілікті.
Бақылаусыз ашық тұрған терезе — қауіп көзі.
Масаға арналған тор — қорғау емес, қауіпті тұзақ.
Қайғыны күтпеңіз – үйіңіздегі терезелердің қауіпсіздігін дәл қазір тексеріңіз!
Терезе алдындағы жиһазды алып тастаңыз, балаларға арналған құлыптар мен шектеуіштер орнатыңыз.
Баланы ашық терезесі бар бөлмеде жалғыз қалдырмаңыз – бір минутқа да емес.
Қала прокуратурасы ескертеді: заң бойынша, баланың қауіпсіздігіне ата-аналар жауапты.
Немқұрайдылық қайғылы жағдайға әкелсе, бұл ауыр құқықтық салдарға алып келуі мүмкін.
Бірақ ең бастысы – балаларымыздың өмірі мен денсаулығын сақтау.
Құрметті өскемендіктер!
Бүгін 10 минут табыңыз. Терезелерді тексеріңіз, ашылатын бөліктерді бекітіңіз, жиһазды жылжытыңыз.
Осы қарапайым 10 минут – балаңыздың өмірін сақтап қалуы мүмкін.
Балаларды қорғаңыздар. Әрбір үйде қауіпсіздік пен баланың күлкісі үстем болсын, орны толмас қайғы емес.
Ақпарат көзі : https://www.gov.kz/memleket/entities/vko-oskemen/press/news/details/1043652?lang=kk
Жауап қалдыру