Түркістан облысынан Абай облысына жол тартқан ауыл шаруашылығы керуеніне Келес ауданы да өз үлесін қосты. Жалпы көлемі 37 тоннадан астам өнім Келес өңірінен жөнелтілді. Бұл тауарлар – аудан диқандары мен өндірушілерінің маңдай терімен келген табиғи әрі сапалы азық-түліктер.
Керуен құрамында Келес ауданынан көкөніс, бақша өнімдері, сүт және сүт өнімдері, табиғи бал мен сусындар бар. Бұл өнімдер 2-3 тамыз күндері Семей қаласында өтетін ауыл шаруашылығы жәрмеңкесіне ұсынылып, жергілікті тұрғындар мен қонақтарға нарықтағы бағадан төмен бағада сатылатын болады.
Аталған іс-шара Абай Құнанбайұлының 180 жылдығына арналған және Түркістан мен Абай облыстары арасындағы өзара ынтымақтастық аясында ұйымдастырылуда. Сондай-ақ, Семей қаласында өтетін жәрмеңке аясында “Түркістан облысының мәдени күндері” атты концерттік бағдарлама ұйымдастырылады.
Ақпарат көзі : https://www.gov.kz/memleket/entities/turkestan-keles/press/news/details/1044715?lang=kk
Жауап қалдыру