Биыл Екібастұз өңіріндегі Ақкөл ауылының құрылғанына 90 жыл толды. Осы мерейтойға орай ауқымды мерекелік шара ұйымдастырылып, мәдени, спорттық және концерттік бағдарламалар өтті. Той ұлттық дәстүр мен халықтық қонақжайлық рухында өтті.
Салтанатты бөлімді Павлодар облысының әкімі Асаин Қуандықұлы Байханов ашты. Айрықша еңбек сіңірген азаматтар марапатталып, өңірлік өнер ұжымдары мен басқа аудандардан келген қонақтардың қатысуымен концерт өтті.
Мереке күні ауылда киіз үйлер тігіліп, қолөнершілер жәрмеңкесі, қазақ күресі, көкпар, аламан бәйге, асық ату, садақ ату, қошқар көтеру секілді ұлттық жарыстар ұйымдастырылды.
Кештің шарықтау шегі — Қуандық Рахым мен Мадина Сәдуақасованың қатысуымен өткен гала-концерт болды. Ақкөлдің 90 жылдығы — ұрпақтар сабақтастығы мен туған жер тарихына деген құрметтің көрінісі болды.
Ақпарат көзі : https://www.gov.kz/memleket/entities/ekibastuz-ojkh/press/news/details/1045830?lang=kk
Жауап қалдыру