Тамыз айының басында Ақмола облысының аумағында қоғамдық тәртіпті бұзумен байланысты жекелеген оқиғалар тіркелді. Бірнеше жағдайда азаматтар арасында келіспеушіліктер болып, нәтижесінде дене жарақаттарын келтіру орын алды.
Мәселен, 2025 жылғы 4 тамызда Степногорск қаласының полиция басқармасына жергілікті тұрғыннан сол күні таңертең болған оқиға туралы өтініш келіп түсті. Осыған ұқсас фактілер Ерейментау ауданында да тіркелді: 2 тамызда азамат сауда нүктесінің жанында белгісіз адамның шабуылы туралы хабарлады, ал бір күннен кейін әріптестер арасында ұрып-соғумен аяқталған оқиға болды.
Барлық фактілер бойынша сотқа дейінгі тергеп-тексеру басталды.
Полиция департаменті еске салады: мұндай жағдайлардың көпшілігі ұстамсыздық пен алкогольді тұтынудан туындайды. Жанжалдың қатысушысы немесе құрбаны болмау үшін арандатушылықтан аулақ болыңыз және қауіп төнген кезде дереу полицияға хабарласыңыз.
Ақпарат көзі : https://www.gov.kz/memleket/entities/mvd-akmola/press/news/details/1046797?lang=kk
Жауап қалдыру