Ағымдағы жылдың басынан бастап полиция қызметкерлері белгіленбеген жерлерде темекі шеккені үшін 300-ге жуық құқық бұзушыны анықтады. Барлық адамдар әкімшілік жауапкершілікке тартылды .
Мұндай бұзушылықтардың алдын алу және анықтау мақсатында полицейлер қоғамдық орындарда үнемі рейдтік іс-шаралар өткізеді.
– Кезекті рейд барысында Павлодар қаласының тұрғыны тұрғын үйдің кіреберісінде темекі шеккені үшін жауапкершілікке тартылды. Темекі шегудің алдын алу және шектеу бірінші кезекте халықтың денсаулығын қорғауға бағытталған, – деп түсіндірді Павлодар облысы ПД.
Сондай-ақ, ведомство Қазақстанда темекі шегу туралы заңнаманың қатаңдатылғанын еске салды. Жаңа заңнамаға сәйкес әртүрлі аурулардың даму қаупін азайту үшін темекі өнімдері мен электронды темекі шегуге тағы бірнеше қоғамдық орындарда тыйым салынды. Енді жабық қоғамдық аялдамаларда, ойын алаңдарында, метрода және жерасты өткелдерінде темекі шегуге болмайды.
Осы ережелерді алдын-ала білу және сақтау айыппұлдар мен қажетсіз қиындықтардан аулақ болуға, бюджетті және басқалардың құрметін сақтауға көмектеседі.
Ақпарат көзі : https://www.gov.kz/memleket/entities/mvd-pavlodar/press/news/details/1046341?lang=kk
Жауап қалдыру