Террористік қауіптерге әрекет етуге күштер мен құралдардың дайындығын бағалау мақсатында Жамбыл облысының Жуалы, Сарысу және Талас аудандарында терроризмге қарсы аудандық жедел штабтардың қатысуымен антитеррористік оқу-жаттығулар өткізілді.
Оқу-жаттығулар нақты жағдайларға жақын режимде өтті және ықтимал террористік актілер туралы ақпарат түскен кезде штабтардың іс-қимылдарды үйлестіруге, жедел шешімдер қабылдауға және құқық қорғау, арнайы және жергілікті атқарушы органдар арасындағы тиімді өзара іс-қимылға дайындығын тексеруге бағытталды.
Оқу-жаттығу барысында мыналарды қамтитын сценарийлер пысықталды:
⦁ террорлық шабуыл қаупі туралы ақпараттың түсуі;
⦁ жедел штаб мүшелерін шұғыл жинау;
⦁ іздеу іс-шараларын жүргізу;
⦁ азаматтарды эвакуациялау және зардап шеккендерге медициналық көмек көрсету;
⦁ қоғамдық тәртіпті қалпына келтіру;
⦁ ТТО нысандарының қауіпсіздігін тексеру.
Кенеттен тексеру қорытындысы бойынша жедел штабтардың іс-қимылдарының оң жақтары да, жекелеген қызметтерді ақпараттандыру мен іске қосудағы уақытша кідірістерге байланысты жекелеген кемшіліктер де анықталды. Анықталған кемшіліктерді жою және террористік сипаттағы қауіп-қатерлерге ден қою деңгейін арттыру үшін аудандық штаб басшыларының атына тиісті ұсыныстар мен ұсынымдар енгізілді.
Мұндай форматтағы терроризмге қарсы оқу-жаттығулар халықтың қауіпсіздігін қамтамасыз етуге әзірлікті ұдайы арттыру мақсатында тұрақты негізде өткізілетін болады.
Материал Жамбыл облысы бойынша ҚР ҰҚК ТҚО
бөлімінің ақпараты негізінде дайындалды
Ақпарат көзі : https://www.gov.kz/memleket/entities/antiterrosticheskiy-centr/press/news/details/1047363?lang=kk
Жауап қалдыру