Ақмола облысының полиция департаменті интернет-алаяқтықтың алдын алу бойынша жұмысты жалғастыруда. Азаматтарға әлеуметтік желілер арқылы онлайн сатып алу және броньдау кезінде сақтық таныту ұсынылады.
Ағымдағы жылдың 6 тамызында Степногорск қаласының полиция басқармасына 45 жастағы жергілікті тұрғыннан алаяқтық фактісі туралы арыз келіп түсті. 4 шілдеде жәбірленуші Instagram парақшасы арқылы Балқаш көліндегі демалыс базасының қызметтерін ұсынған, болжамды әкімшімен хат алмасуға кіргені анықталды.
Алты тәулікке үйді броньдау сылтауымен әйел көрсетілген шотқа жалпы сомасы 82 мың теңгені құрайтын үш төлемді аударды. Алайда, алдын-ала төлем жасағаннан кейін және броньды растауға тырысқаннан кейін, базаның болжамды өкілімен байланыс үзілді.
Осы факті бойынша сотқа дейінгі тергеп-тексеру басталды. Қатысуы тексерілетін адам анықталды.
Қолма-қол ақшадан айырылып қалмас үшін, интернет арқылы тұрғын үйді немесе қызметтерді броньдау кезінде әрқашан парақшалардың дұрыстығын, лицензиялардың, ресми сайттар мен пікірлердің болуын тексеріңіз. Ақпараттың түпнұсқалығын растамай, бейтаныс адамдарға ақша аудармаңыз.
Ақпарат көзі : https://www.gov.kz/memleket/entities/mvd-akmola/press/news/details/1048197?lang=kk
Жауап қалдыру