Тиісті дәріхана практикасының (GPP) талаптарын сақтау жөніндегі «Халық денсаулығы және денсаулық сақтау жүйесі туралы» 2020 жылғы 7 шілдедегі Қазақстан Республикасы Кодексінің 233-бабы 3-тармағының нормасы енгізілгенге дейін 5 айдан аз уақыт қалды (2026 жылғы 1 қаңтар).
«Әкімшілік құқық бұзушылық туралы» Қазақстан Республикасының 2014 жылғы 5 шілдедегі кодексінде дәрілік заттар мен медициналық бұйымдарды өткізуді бұзғаны үшін шаралар көзделген.
Тиісті фармацевтикалық практикалар бойынша инспекция жүргізу қағидалары «Тиісті фармацевтикалық практикалар бойынша фармацевтикалық инспекциялар жүргізу қағидаларын бекіту туралы» ҚР ДСМ-9 2021 жылғы 27 қаңтардағы № бұйрығымен (бұдан әрі-бұйрық) регламенттеледі. Осы бұйрықтың талаптарына сәйкес дәрілік заттар мен медициналық бұйымдардың айналысы саласындағы мемлекеттік орган тиісті фармацевтикалық практикалар бойынша фармацевтикалық инспектораттың қызметін үйлестіреді. Мемлекеттік органның аумақтық бөлімшелері тиісті дәріхана практикасының (GPP) талаптарына сәйкестігін инспекциялауды жүзеге асырады.
Дәрілік заттардың айналысы саласындағы тиісті дәріхана практикасының талаптарына сәйкестігіне инспекция жүргізу үшін инспекциялау субъектісі инспекторатқа (аумақтық департаментке) бұйрықтың 1-қосымшасына сәйкес өтінім береді.
Өтінімге мынадай құжаттар қоса беріледі:
– қызметті жүзеге асыруға лицензияның көшірмесі;
– сапа жөніндегі нұсқаулықтың көшірмесі;
– объектінің ұйымдастырушылық құрылымы мен штат кестесінің көшірмесі;
– құжатталған стандартты операциялық рәсімдердің электрондық түрдегі көшірмелері;
– соңғы инспекцияны жүргізу нәтижелері туралы есептің көшірмесі (бар болса);
– соңғы 5 жылдағы инспекциялар тізімі (бар болса). Құжаттар қазақ және (немесе) орыс тілдерінде ұсынылады.
Бүгінгі таңда Абай облысының фармацевтикалық қызметінің субъектілері тиісті дәріхана практикасының сәйкестігіне инспекциядан өтеді, бұл процесс, өтуге дайындық және ақыр соңында GPP сертификатын алу дәріхана ұйымдарының жұмысына, әсіресе халыққа сапалы көмек көрсету бөлігінде оң әсерін тигізеді. Өйткені стандарттарға сәйкестікке дайындық, Өзін-өзі бағалауды жүргізу кезінде дәрілік заттарды бөлшек саудада өткізуді жүзеге асыратын ұйымдар халыққа көрсетілетін фармацевтикалық қызметтердің тиісті сапасын көрсету жөніндегі өз қызметін белгілі бір стандартқа жеткізуге ұмтылады.
Инспекциялар кестесіне енгізу үшін фармацевтикалық инспекция жүргізуге өтінішті Семей қаласы, Академик Павлов көшесі, 60 мекенжайы бойынша Департаментке немесе электрондық пошта мекенжайына ұсыну қажет: abay.dkmfk18@gmail.com
Ақпарат көзі : https://www.gov.kz/memleket/entities/dkmfk-abay/press/news/details/1049569?lang=kk
Жауап қалдыру