Қазақстан Республикасының Цифрлық даму, инновациялар және аэроғарыш өнеркәсібі министрлігі 791–801/832–842 МГц (10/10 МГц) радиожиілік спектрін пайдалану құқығына аукцион өткізілетінін хабарлайды. Аталған аукцион төртінші буындағы ұялы байланыс (4G) желілерін дамытуға бағытталған.
Аукцион еліміздің барлық өңірлерін, сондай-ақ Астана, Алматы және Шымкент қалаларын қамтиды. Лоттың бастапқы бағасы 30 миллиард теңгені құрайды.
Аукционға қатысу үшін үміткерлер келесі талаптарға сай болуы тиіс:
- Қазақстан Республикасында тіркелген заңды тұлға болуы;
- байланыс саласында кемінде 5 жыл тәжірибесі болуы;
- ұялы байланыс операторының лицензиясы болуы;
- банкроттық сатысында болмауы;
- кепілдік жарнаны толық көлемде төлеуі.
Өтінімдер электронды форматта www.gosreestr.kz веб-порталы арқылы қабылданады. Өтінімдерді қабылдау хабарландыру жарияланған күннен бастап 30 күнтізбелік күнге созылады.
Аукционның өту уақыты 2025 жылдың қыркүйегіне жоспарланған.
Ақпарат көзі : https://www.gov.kz/memleket/entities/telecom/press/news/details/1050634?lang=kk
Жауап қалдыру