Сандықтау ауданы әкімінің орынбасары Сәуле Жайылғанова құқық бұзушылықтардың алдын алу жөніндегі комиссия отырысын өткізді. Комиссия жұмысына аудандық полиция бөлімінің бастығы Мейрам Жапбасов, аудан әкімінің құқық бұзушылықтардың алдын алу жөніндегі кеңесшісі Ермек Хамзин қатысты.
Отырыс барысында 2025 жылдың жеті айында қылмыстар мен құқық бұзушылықтардың алдын алу мәселелері қаралды. Келесі бағыттар бойынша есептер мен ақпараттар ұсынылды: жергілікті полиция қызметі бөлімшелерінің жұмысы, жол қауіпсіздігін қамтамасыз ету, ювеналды полицияның қызметі, табиғатты қорғау полициясының жұмысы.
Алдын алу субъектілері тарапынан алаяқтықтың, соның ішінде интернет-алаяқтықтың алдын алу және жолын кесу бойынша қабылданып жатқан шараларға ерекше назар аударылды.
Күн тәртібіндегі мәселелер қаралып, тиісті шешімдер қабылданды.
Ақпарат көзі : https://www.gov.kz/memleket/entities/aqmola-sand/press/news/details/1051030?lang=kk
Жауап қалдыру