ЖЫМПИТЫДАН САБЫН ШЫҒА БАСТАДЫ

Орал қаласында өткен “Бір ауыл – бір өнім!” көрмесіне тауар шығарған Сырым ауданының тағы бір кәсіпкері – Нұржан Жантеміров. (суретте)

Нұржан биыл Жымпитыда сабын өндірісін бастады. Өз қаражатына сақар қайнатып, құятын аппарат сатып алған қолы епті жігіт қазіргі уақытта кір сабын өндірудің қыр – сырын меңгеріп алды. Нұржан өніміне каучук содасын, өсімдік майының қалдығын және малдың тоң майын пайдаланады. Салмағы 200 граммды құрайтын сабынының бағасы – 200 тг. Бұдан бөлек, жас кәсіпкер сұйық сусабын, кір жуатын ұнтақ, ыдыс жуатын сұйықтық секілді тұрмыстық химиялардан бөлек, көліктің жылыту/салқындату жүйесіне пайдаланылатын антифризді де өндіруді жоспарлап отыр.

– Кәсіпкерлер даму, бағытын әртараптандыру, табысын еселеу туралы көп айтады. Бұлардың бәрі де керек. Ең маңызды – тоқтамау! Тұрақты қозғалыс табысқа жеткізеді. – дейді Нұржан замандас.

Бауыржан ШИРМЕДИНҰЛЫ,

Сырым ауданы