Ағымдағы жылдың 7 тамызында «Қауіпсіз аула» республикалық акциясы аясында Ақмола облысы ПД жергілікті полиция қызметі басқармасының учаскелік полиция инспекторлары көппәтерлі үйлердің тұрғын алаптарында аулаларды аралап шықты.
Тұрғындарға жеке қауіпсіздік шаралары, қылмыстың алдын алу, мүлікті қорғау тәсілдері және заңсыз жағдайлар туындаған кездегі іс-әрекеттер туралы еске салынды.
Көкшетау қ. ПБ № 2 учаскелік полиция пунктінің әкімшілік қызмет көрсету ауданына ерекше назар аударылды. Мұнда полиция аға лейтенанты Қуат Қажымов МИК және ПИК өкілдерімен бірлесіп аулалардың жай-күйіне бағалау жүргізді: аумақтардың жарықтандырылуы, бейнебақылау камераларының болуы және жұмыс істеу қабілеті, ойын алаңдары мен өту жолдарының қауіпсіздігі тексерілді.
Әуезов көшесі 189 Б мекенжайында орналасқан «Салтанат» тұрғын үй кешенінің ауласы үлгілі болып аталды. «Қауіпсіз үй» жобасы іске асырылған сәттен бастап мұнда бірде-бір қылмыс немесе әкімшілік құқық бұзушылық тіркелмеген.
Кешен аумағында 27 бейнекамера орнатылған — периметрі бойынша 10 және кіреберістің ішінде 17, барлық жабдық тұрғындардың өз есебінен сатып алынды. Сондай-ақ, олардың бастамасы бойынша тосқауыл мен қоршау орнатылды, бұл аумаққа рұқсатсыз кіруді шектеуге мүмкіндік берді.
«Салтанат» тұрғын үй кешенінің МИК төрағасы Қымбат Жүкенова учаскелік инспектормен тұрақты бірлескен жұмыстың арқасында қауіпсіздіктің жоғары деңгейіне қол жеткізілгенін атап өтті.
– «Учаскелік полиция инспекторы Қуат Қажымов әрдайым байланыста, жедел әрекет етеді. Біз туындаған барлық мәселелер бойынша тығыз қарым-қатынас жасаймыз. Тұрғындармен велосипедтерді қараусыз қалдырмау және осындай қауіпсіздік шаралар туралы түсіндірме әңгімелер өткіземіз» деп бөлісті Қымбат Зейнуллақызы.
Ол алдағы жоспарларда қосымша бейнебақылау камераларын орнату, үйдің периметрін толық қоршау, жарықтандыруды ұйымдастыру және тұрғындардың шоғырлануының арқасында шешілетін басқа да мәселелер бар екенін атап өтті.
Полицияның МИК төрағасымен тиімді өзара іс-қимылы туындаған мәселелерді жедел шешуге мүмкіндік береді. Тұрғындар жауапкершілік пен азаматтық сананың жоғары деңгейін көрсете отырып, тәртіпті қамтамасыз ету мәселелеріне белсенді қатысады.
Полицейлер тұрғындарға белсенді өмірлік ұстанымдары үшін алғыс білдіреді және осындай бастамаларды жүзеге асыруда басқа аулаларға қолдау көрсетуге дайын екендіктерін білдіреді.
Қоғамдық қауіпсіздік-бұл бірлескен жұмыс. «Салтанат» тұрғын үй кешенінің мысалы біріккен күш-жігердің барлық тұрғындар үшін жайлы және қауіпсіз орта құруға қабілетті екенін көрсетеді.
Ақпарат көзі : https://www.gov.kz/memleket/entities/mvd-akmola/press/news/details/1047531?lang=kk
Жауап қалдыру