Аталған кеште симфониялық оркестр, диджейлер мен рэп орындаушылар өнер көрсетіп, концертке заманауи реңк бере түсті. Гала-концерттің басты хедлайнері – Ерке Есмахан, Raim, Luina, Amre, Yenlik және «Ұлытау» тобы болды.
– Бүгінгі фестиваль ерекше өтіп жатыр. Бірнеше әндерімді орындадым. Айрақтының баурайында ән айту маған ерекше сезім сыйлады. Маңғыстаулықтарға мың алғыс. Нағыз қонақжай, рухы биік халықсыздар, — деді кеш барысында әнші Yenlik.
Фестиваль кезінде мәдени кешке 15 мыңнан астам көрермен жиналды. Көпшілік ерекше көңіл-күймен бөлісіп, өңірдің мәдени өміріне серпін беретін осындай шаралардың жиі ұйымдастырылу қажеттігін атады.
– Биыл Маңғыстау өңірі үшін тарихи жыл болды. Облысымыз ұлттық киіммен Гиннесс рекордын орнатып, «Ақтау – Түркі әлемінің мәдени астанасы – 2025» деген мәртебеге ие болды. Бұл – барша маңғыстаулық үшін үлкен мақтаныш, – деді маңғыстаулық Жәмила Дәуқараева.
Ақпарат көзі : https://www.gov.kz/memleket/entities/akimat-goroda-aktau/press/news/details/1052588?lang=kk
Жауап қалдыру