Қазақстан Республикасы Қаржы министрінің 2025 жылғы 12 мамырдағы № 223 бұйрығымен бекітілген Мемлекеттік мекемелерде бухгалтерлік есепке алуды жүргізу қағидаларына сәйкес қаржы жағдайы, қаржы жағдайындағы өзгерістер мен қызмет нәтижелері туралы толық және анық ақпарат беру бухгалтерлік есеп пен қаржылық есептіліктің мақсаты болып табылады.
Осыған сйкес, ағымдағы жылдың 15 және 18 тамызында мүдделі облыстық бюджеттік бағдарламалар әкімшілерінің және бюджетті атқару жөніндегі жергілікті уәкілетті органдардың қатысуымен облыстың қаржы басқармасы ұйымдастырған семинар шеңберінде БҚО қаржы басқармасының бюджеттік есепті жүргізу, жергілікті бюджеттің жиынтық есебін құрастыру бөлімінің басшысы Назгуль Кайсагалиева «Квазимемлекеттік сектор субъектілеріне инвестицияларды есепке алу бойынша үлестік қатысу әдісі туралы» тақырыбындағы баяндама жасады.
Семинар барысында есеп саясатындағы өзгерістерге байланысты қаржылық инвестицияларды есепке алу мен есептілікте көрсетудің бірыңғай тәсілін әзірлеу мақсатында жергілікті бюджеттік бағдарламалар әкімшілерінің квазимемлекеттік сектор субъектілеріне инвестицияларды есепке алу бойынша үлестік қатысу әдісін қолданудың практикалық аспектілері талқыланды.
Ақпарат көзі : https://www.gov.kz/memleket/entities/bko-karzhy/press/news/details/1052936?lang=kk
Жауап қалдыру