Жемқорлардан тәркіленген қаражат ауылдарды ауызсумен қамтуға бағытталады – Альберт Рау Қостанай облысындағы Николаевка ауылында көптеген жылдар бойы ауыз су мәселесі туындап келген болатын.

Жемқорлардан тәркіленген қаражат ауылдарды ауызсумен қамтуға бағытталады – Альберт Рау Қостанай облысындағы Николаевка ауылында көптеген жылдар бойы ауыз су мәселесі туындап келген болатын. Енді елді мекенде орталықтандырылған су жүйесі іске қосылып, ауыл тұрғындары таза ауызсумен қамтылмақ. «AMANAT» партиясының бастамасымен жүзеге асып жатқан орталықтандырылған сумен жабдықтау жүйесінің құрылысы осы жылдың қараша айында аяқталмақ. Құрылыстың барысымен Мәжіліс Төрағасының орынбасары, «AMANAT» партиясы фракциясының мүшесі Альберт Рау және Мәжіліс депутаты, «AMANAT» партиясы фракциясының мүшесі Еркін Әбіл танысты.
           Бүгінде құны 1,3 млрд теңгені құрайтын нысанның 50 пайызы дайын. 11 шақырым жерге су құбыры тартылып, құдықтар орнатылып, сорғы станциялары құрылды. Сондай-ақ дәнекерлеу және электр-техникалық жұмыстар аяқталды. Жоба Бейімбет Майлин ауданының барлық халқын ауызсумен қамтуға мүмкіндік береді.
            Мәжіліс Төрағасының орынбасары Альберт Раудың айтуынша, еліміздегі барлық елді мекендерді 100 пайыз таза ауызсумен қамту –«AMANAT» партиясының сайлауалды бағдарламасындағы негізгі міндеттердің бірі.

«AMANAT» партиясы фракциясының депутаттары жыл сайын ондаған ауылды ауызсумен қамту жобаларын бюджет жоспарына енгізуге ықпал етіп келеді. Бұған дейін елімізде шамамен 700 ауылда ауызсу мүлде болмаған. Бүгінде жүргізілген жұмыстардың арқасында бұл бағытта айтарлықтай нәтижелерге қол жеткіздік. Партиямыздың табанды ұстанымының арқасында арнайы мемлекеттік қордан қосымша қаражат тартылды. Бұған дейін жемқорлардан тәркіленген қаржы тек мектеп құрылысына жұмсалса, біз оны халықтың күнделікті тұрмысымен тікелей байланысты жобаларға да бағыттау қажеттігін көтердік. Соның нәтижесінде еліміздің жүздеген ауылында су құбырын жүргізу мүмкіндігі туды. Алдымызда әлі де үлкен міндеттер бар. Ауызсумен бірге халық жаңа спорт залдарын, мәдениет үйлерін, әлеуметтік нысандардың салынуын күтуде. Дегенмен бірінші кезекте – ауызсу мәселесі. Біз әкімдіктермен және мәслихаттармен бірлесіп, әрбір теңгенің мақсатты жұмсалуын қатаң бақылауда ұстайтын боламыз», – деді ол.

Депутаттар жергілікті билік өкілдері мен мердігер ұйымдардың ауылдарды орталықтандырылған сумен жабдықтау мәселесіне қатысты есептерін тыңдады. Сондай-ақ әрбір су нысаны бойынша жұмыс кестесі қаралды.

Ақпарат көзі : https://www.gov.kz/memleket/entities/maslihat-beimbet-maylin/press/news/details/1053195?lang=kk