Табиғаты көркем Бурабай жерінде Ақмола облыстық мәслихаты төрағасының м.а. Саят Сыздықовтың төрағалығымен Ақмола облыстық мәслихатының аграрлық мәселелер және өңірді индустриялық-инновациялық дамыту жөніндегі тұрақты комиссиясының және Ақмола облысы мәслихаттарының қызметін үйлестіру жөніндегі Кеңестің бірлескен көшпелі отырысы өтті.
Депутаттардан басқа отырысқа Бурабай ауданының әкімі Арай Садықов және төраға Қабдуали Құлушев бастаған облыстық Қоғамдық кеңестің мүшелері қатысты.
Қатысушылар өңірдің туристік саласының жай-күйі мен даму перспективалары мәселесін қарастырды. Осы мәселе қыркүйек айында өтетін облыстық мәслихаттың кезекті сессиясына шығарылмақ.
Төрағалық етуші баршаға көшпелі жұмысқа белсенді қатысқаны үшін алғысын білдіріп, Щучье-Бурабай курорттық аймағының туристік нысандарына сапары өңіріміздің қаншалықты зор әлеуетке ие екендігінің айқын дәлелі болғанын атап өтті.
«Бүгін біз тек идеялармен алмасып қана қоймай, сонымен қатар нақты ұсыныстар мен шешу жолдарын талқылаймыз деп үміттенемін. Бұл саланың дамуына шынайы үлес қосуға бағытталған ашық әрі мазмұнды әңгіме боларына сенімдімін», – деп атап өтті Саят Сыздықов.
Отырысты Ақмола облыстық мәслихатының аграрлық мәселелер және өңірді индустриялық-инновациялық дамыту жөніндегі тұрақты комиссиясының төрағасы Әбілқайыр Ошақбаев жалғастырды.
Ол аймақтың айтарлықтай туристік әлеуеті бар екенін, алайда қаржыландыру мен инфрақұрылымға қатысты түйткілдер әлі де өзекті күйінде қалып отырғанын атап өтті. Оның айтуынша, билік тарапынан нақты саяси бағыттың болуы жоспарларды табысты іске асыруға және туризмді өңірдің өсу нүктесіне айналдыруға сенімділік береді.
Депутаттар алдында Ақмола облысы туризм басқармасының басшысы Андрей Подгурский, «Бурабай даму» ЖШС директорының орынбасары Сүлеймен Қадыров және «Бурабай» МҰТП директорының орынбасары Венера Нұғманова баяндама жасады.
Ақмола облысында Щучье-Бурабай және Зеренді курорттық аймақтары, «Бурабай», «Көкшетау», «Бұйратау» ұлттық парктері және Қорғалжын қорығы орналасқан. Облыстық туризм басқармасының ақпараты бойынша өңірде 650-ден астам турсфера кәсіпорны жұмыс істейді, оның ішінде 374 орналастыру нысаны, 15 санаторий, 196 жол бойындағы сервис нысаны және 76 туристік компания бар.
Кездесу барысында депутаттар өңірдегі туризмді дамыту бойынша бірқатар бастамаларды көтерді. Өнеркәсіптік және мәдени туризмді дамыту, әлемдік жұлдыздардың қатысуымен концерттер өткізу үшін алаңдар құру жөнінде ұсыныстар айтылды. Туризм басқармасы басшысының ақпараты бойынша туристік инфрақұрылымды дамыту жоспарланып отырған 12 аудан анықталды.
Отырысқа қатысушылар Степногорск қаласында туризмді дамыту бойынша жеке тұжырымдама әзірлеуді, сондай-ақ марафондар мен жарыстарды елордадан Астанаға жақын аудандарға көшіру мүмкіндігін қарастыруды ұсынды. Сондай-ақ, туризм басқармасынан веложарыс пен марафондық жүгіру сияқты іс-шараларды қолдау күтілуде. Туризм басқармасының қатысуымен тоқсан сайын – мониторинг жүргізу, бастамаларды талқылау және саланы дамыту стратегиясын жалпы түсіну үшін бірлескен отырыстар өткізу туралы ұсыныс айтылды.
Сонымен қатар, депутаттар туристік нысандарға апаратын жолдардың қанағаттанарлықсыз жағдайына назар аударды. Щучье-Бурабай курорттық аймағын дамыту тұжырымдамасы туралы сұраққа басқарма басшысы Андрей Подгурский бір ай ішінде туристік қызметтердің сапасын арттыру және қосымша орындарды дамыту жөніндегі шаралар көзделген кешенді жоспар аяқталатынын айтты.
Сондай-ақ инфрақұрылымды кеңейту және экологиялық таза көлікті енгізу арқылы туристік нысандардың жүктемесін түсіндіруі ұсынылды.
Қатысушылардың ойынша, мұндай кездесулер сындарлы диалогқа ықпал етіп проблемаларды бірыңғай форматта тереңірек пысықтауға мүмкіндік береді.
Ақпарат көзі : https://www.gov.kz/memleket/entities/maslikhat-aqmola/press/news/details/1054806?lang=kk
Жауап қалдыру