Әл-Фараби аудандық прокуратурасы мен Әл-Фараби ауданы әкімі аппаратының ұйымдастыруымен «Заң мен Тәртіп» қағидаты аясында, сондай-ақ Қазақстан Республикасының Конституциясының 30 жылдық мерекесі қарсаңында «Shymkent Plaza» сауда ойын-сауық орталығының ғимаратында қала тұрғындарымен ашық кездесу өтті.
Құзырлы органдардың жеке қабылдауы барысында тұрғындар тарапынан әлеуметтік инфрақұрылым, тұрғын үй-коммуналдық шаруашылығы, абаттандыру, жол жөндеу, қоғамдық көлік және денсаулық сақтау салаларына қатысты өзекті мәселелер көтеріліп, ұсыныс-пікірлер айтылды.
Азаматтардың талап-тілектері мұқият тыңдалып, бірқатар мәселе сол сәтте шешімін тауып, құқықтық түсіндірме берілді.
Қала прокуратурасы тарапынан тиісті уәкілетті органдардың қатысуымен осындай көшпелі қоғамдық қабылдаулар бекітілген кестеге сәйкес тұрақты түрде ұйымдастырылуда.
Ақпарат көзі : https://www.gov.kz/memleket/entities/shymkent-al-farabi/press/news/details/1054837?lang=kk
Жауап қалдыру