Рамазан Смайылов 1995 жылдың 3 маусымында дүниеге келген — яғни Қазақстан Республикасы Төтенше жағдайлар министрлігі құрылған жылмен дәл келеді. 2021 жылы ол азаматтық қорғау органдарының қатарына қосылды. Бүгін Рамазан «Халық қаһарманы» М.Айманов атындағы №2 мамандандырылған өрт сөндіру бөлімінде аға өрт сөндіруші-құтқарушы қызметін атқарады. Аз ғана уақыт ішінде ол батыл, сенімді әрі жанқияр маман ретінде танылып, кез келген сәтте көмекке келуге дайын екенін дәлелдеді. 2021 жылы Байзақ ауданындағы әскери бөлімде болған жарылыс кезінде өртті сөндіру және зардаптарын жою жұмыстарына қатысып, «Ерлігі үшін» медалімен марапатталған. Сонымен қатар, қызмет атқарған жылдары Рамазан талай ірі өрттерді сөндіруге және түрлі төтенше жағдайларды жоюға қатысып, жоғары кәсібилігі мен төзімділігін көрсетті. Өзінің ерлікке толы ісімен Рамазан Смайылов құтқарушы мамандығы – жай ғана жұмыс емес, үлкен батылдықты, рухани күшті және өзгелер үшін өз өмірін қатерге тігуді талап ететін ұлы міндет екенін дәлелдеп жүр.
Жамбыл облысы ТЖД
Ақпарат көзі : https://www.gov.kz/memleket/entities/emer-zhambyl/press/news/details/1055304?lang=kk
Жауап қалдыру