Жұмыстар бірнеше нүктеде жүргізілді, негізгі көлемді жұмыстар «Нижняя Пятилетка» шағын ауданында атқарылды.
Кешенді санитарлық тазалау жүргізіліп, көше мен жаяу жүргіншілер жолдары жиналып, жуылды.
Шөп шабу, құрылыс қалдықтары, бұтақтар мен әртүрлі қоқыстарды жинау және шығару жұмыстары атқарылды.
№ 1 теміржол вокзалы маңындағы өзен арнасымен шектесетін аумаққа ерекше назар аударылды. Мұнда коммуналдық қызметтер, басқармалар мен Түрксіб ауданы әкімі аппаратының қызметкерлері, сондай-ақ жеке ұйымдар, медициналық мекемелер мен құрылыс компанияларының өкілдері еңбек етті. Барлығы учаскеде 160-тан астам адам жұмыс істеді.
85 м³-тан астам қоқыс шығарылып, ауданның әр аумағында өткен эко-науқанға жалпы саны шамамен 730 адам қатысты.
Ақпарат көзі : https://www.gov.kz/memleket/entities/almaty-turksib/press/news/details/1056525?lang=kk
Жауап қалдыру