Облыс прокуратурасымен еліміздің негізгі заңы – Конституцияның 30 жылдығына арналған «Конституция – бірліктің негізі» форумы өткізілді. Форум этномәдени орталықтардың өкілдерін, волонтерлерді және жас ұрпақты біріктірді.
Қонақтардың ерекше назарын оқушылар үйінің тәрбиеленушілері ұйымдастырған концерт пен түрлі ұлттардың халық билері аударды. Олардың өнер көрсетуі шынайылық пен бірлікке деген ұмтылыстың белгісі болды.
Этномәдени орталықтар өз халқының бай мәдени мұрасын паш етіп, ұлттық дәстүрлерін, әдет-ғұрыптарын және этникалық ерекшеліктерін көрсетті.
Қатысушылар атап өткендей, Конституция – Қазақстандағы барлық этностардың мәдениетін сақтап, дамыту үшін тең құқықтар мен мүмкіндіктерді қамтамасыз ететін басты құжат.
Облыс прокуратурасының басшылығы этномәдени орталықтардың жетекшілеріне, мемлекеттік органдардың өкілдеріне және волонтерлерге этносаралық достықты нығайтуға, құқықтық тәртіпті қамтамасыз етуге және конституциялық құрылысты сақтауға қосқан үлесі үшін алғыс хаттар табыс етті.
Жалпы, прокуратура органдары азаматтардың конституциялық құқықтарын қорғауға айрықша мән береді.
Соңғы 3 жылдың өзінде облыс прокуратурасы 220 мыңнан астам азаматтың конституциялық құқықтарын қорғады. Белсенді жұмыс барлық салаларды қамтиды: балаларды тамақтандырудан бастап еңбекақыны төлеуге дейін.
Мысалы, прокуратура заңсыз төмендетілген автобустар паркінде жүргізушілердің еңбекақысын 270 мыңнан 350 мың теңгеге дейін көтеруге қол жеткізді. Осындай мысалдар көп және тұрғындар өз құқықтарының нақты қорғалып жатқанын сезінеді.
Прокуратура органдары мемлекет пен азаматтардың мүдделерін қорғаудың сенімді тірегі болып табылады.
Ақпарат көзі : https://www.gov.kz/memleket/entities/prokuratura-almaty-obl/press/news/details/1056693?lang=kk
Жауап қалдыру