2025 жылғы 25 тамыз күні Приозерск қаласының әкімі Ахметов Мансұр Талғатович қала тұрғындарымен кездесу өткізді, кездесуге қаланың мекеме басшылары, құқық қорғау органдарының басшылары, медицина және коммуналдық сфера қызметкерлері басшылары, депутаттар, жергілікті атқарушы органдардың басшылары қатысты. Іс-шара барысында әкім қалада атқарылып жатқан әлеуметтік және инфрақұрылымдық жұмыстар жөнінде кеңінен баяндады. Ол ағымдағы жылы жүзеге асырылған негізгі жобаларға тоқталып, олардың қала өміріне тигізіп жатқан оң әсерін атап өтті.
Кездесу барысында қала тұрғындары да өздерінің көкейінде жүрген сұрақтарын қойып, әкім тарапынан нақты жауаптар алды. Әсіресе тұрғындар жол жөндеу, жарықтандыру, абаттандыру және басқа да маңызды мәселелер бойынша ұсыныстарын жеткізді. Қала әкімі өз сөзінде тұрғындардың өтініш-тілектері ескерілетінін, кейбір мәселелердің келесі жылы жүзеге асырылуы жоспарланып отырғанын айтты. Сонымен қатар, әкім халықпен осындай ашық кездесулердің алдағы уақытта да жалғасатынын жеткізді. Кездесу ашық әрі мазмұнды өтті, тұрғындар әкіммен еркін пікір алмасып, өзара тиімді диалог орнатылды.
Ақпарат көзі : https://www.gov.kz/memleket/entities/maslihat-karaganda-priozersk/press/news/details/1056786?lang=kk
Жауап қалдыру