Абай ауданы әкімі аппаратының ұйымдастыруымен Қазақстан Республикасы Конституциясының 30 жылдық мерекесіне орай “Қайнарбұлақ” мәдениет үйінде сурет көрмесі өтті.
Іс-шараға №149, №125 мектептердің ұстаздары мен оқушылары белсене қатысып, өз қолдарымен салған туындыларын көпшілік назарына ұсынды.
Абай ауданы әкімінің орынбасары Шамау Нұртас Мейрамбекұлы іс-шараға белсенділікпен қатысқан ұстаздар мен оқушыларды алғыс хатпен марапаттап, олардың шығармашылық еңбектерін жоғары бағалады.
Көрменің мақсаты:
– Жас ұрпаққа Ата Заңымыздың маңызын ұғындыру;
– Конституциялық құндылықтарды өнер арқылы насихаттау;
– Азаматтық сана мен құқықтық мәдениетті қалыптастыру.
Көрмеге қойылған оқушылар мен жас суретшілердің әрбір туындысынан тәуелсіздік, заң үстемдігі, бірлік пен бейбітшілік идеялары анық көрініс тапты.
Ақпарат көзі : https://www.gov.kz/memleket/entities/shymkent-abai/press/news/details/1057939?lang=kk
Жауап қалдыру