Елордада Астана қаласы Полиция департаментінің ұйымдастыруымен республикалық «НАЗАР АУДАРЫҢЫЗ – БАЛАЛАР!» акциясы басталды. Дәстүр бойынша жаңа оқу жылы қарсаңында полицейлер кәмелетке толмағандардың қауіпсіздігін қамтамасыз ету шараларын күшейтеді. Бұл жұмыстар білім беру мекемелерінің маңында да, жолдарда да жүргізіледі.
1 қыркүйектен бастап мектептердің жанында нарядтар қойылып, ауысым кездерінде және сабақ аяқталған уақытта патрульдеу күшейтіледі. Оқушылар үшін жол қозғалысы қауіпсіздігіне арналған арнайы іс-шаралар өтеді.
Полицейлер білім беру орындарының маңында барынша мұқият болу, жылдамдық режимін сақтау және балаларды тасымалдау ережелерін орындау қажеттігін ескертеді.
Ерекше назар аула аумақтарына да аударылуда. Балалар және спорт алаңдарында ата-аналармен, балалармен түсіндіру жұмыстары жүргізіліп, жадынамалар мен буклеттер таратылады.
Полиция қала тұрғындарына жолдарда сақ болуды, жол қозғалысы ережелерін қатаң сақтауды және қырағылық танытуды ескертеді. Балалардың қауіпсіздігі ересектердің жауапкершілігіне байланысты.
Ақпарат көзі : https://www.gov.kz/memleket/entities/mvd-astana/press/news/details/1058251?lang=kk
Жауап қалдыру