Шымкент қаласының прокуратурасы, Қала әкімдігінің қолдауымен қоғамдық сананы оятуға бағытталған жаңа деректі фильмді ұсынады.
«Үш дос – Үш тағдыр» есірткі тасымалы мен тұтынуының жасөспірімдер мен олардың отбасыларына әкелетін қайғы-қасіретін ашып көрсетеді.
Ұзақтығы 13 минуттық фильм үш жас жігіттің тағдыры арқылы қоғамдағы күрделі мәселені шынайы жеткізеді.
Олардың әрқайсысы – бір қателік жасаған, ал ол қателік бүкіл өмірін өзгерткен. Фильмде олардың аналарының көз жасына толы естеліктері де бар.
«Үш дос – Үш тағдыр» – жай ғана деректі фильм емес, бұл – шынайы мойындау, ескерту, әр ата-ана мен әр жасөспірімге арналған үндеу.
Фильмнің басты идеясы – бір ғана батырма, бір ғана шешім адамның тағдырын түбегейлі өзгертіп жіберуі мүмкін.
Премьера әлеуметтік желілерде және жергілікті арналарда өтеді.
Ресми хэштегі: #ТізбектіҮзҮш дос – Үш тағдыр
Шымкент қаласының прокуратурасы
Ақпарат көзі : https://www.gov.kz/memleket/entities/prokuratura-shymkent/press/news/details/1058255?lang=kk
Жауап қалдыру