АҒА БУЫН БАБЫНДА!

Сырым аудандық ,,Қайсар,, спорт клубының ұйымдастыруымен ауылдық округтердегі ардагер спортшылар арасында асық және мылтық ату , дартс түрінен өзара сайыс өткізілді.

Аға буын өздерінің ширақ, мерген, ең бастысы жастарға салауатты өмір салтын ұстануда зор үлгі екендерін көрсетті.

Асық атудан Бақытжан Құлбаев , Қайыржан Ержанов , Халидолла Зайнуллин жүлделі орындарды бөліссе , мылтық атудан Біран Қажымов , Әбіл Бақтияров , Асан Семғалиевтің шоқтықтары биік болды

Ал, дартста ардагерлер арасында Ермекқали Әшімов, Қайыржан Ержанов , Берік Наурызов алдарына ешкімді жібермеді

Жарыста жүлделі орын алғандарға арнайы диплом және ақшалай сыйлықты аталмыш клубтың директоры Ерболат Мұқанов, аудандық ардагерлер кеңесінің төрағасы Мүсірбек Айташев , Жымпиты ауылдық ардагерлер кеңесінің төрағасы Ғилаж Қаналиев құттықтау сөз сөйлеп , салтанатты түрде тапсырды

Сөйтіп , ҚР Констииуциясының 30 жылдығы және жерлесіміз , абыз ақын Қадыр Мырза Әлидің 90 жылдығына арналған ардагерлер арасындағы сайыс өз мәресіне жетті

Бейбіт ЖАНСЕРІК ,

,,Қайсар,, спорт клубының нұсқаушысы