Атырауда 19-26 тамыз аралығында өткен оқыту курсы қорытындыланып, қатысушыларға сертификаттар табысталды. Іс-шараға үкіметтік емес ұйымдар, қоғамдық кеңес мүшелері, журналистер мен өңірдің өзге де белсенділерінен құралған 20-дан астам адам қатысты.
Семинар барысында қатысушылар республикалық және облыстық деңгейдегі түрлі сала мамандарымен тәжірибе алмасып, ұсыныс-пікірлерін ортаға салды.
Атап айтсақ, қатысушылар қоғамдық бақылаудың негізгі қағидалары мен заңнамалық негіздері, шешім қабылдау үдерістеріне қатысу тетіктері, қоғамдық кеңестер мен ҮЕҰ-дың рөлі мен мүмкіндіктері туралы білім алды. Сондай-ақ тіл мәдениеті, көпшілік алдында сөйлеу және стратегиялық коммуникациялар бағытында тәжірибелік дағдыларын шыңдады.
Іс-шараны облыстық Ішкі саясат басқармасының қолдауымен, «4 билік» Атырау журналистер одағы» қоғамдық бірлестігі «Қоғам дауысы» жобасы аясында ұйымдастырды.
Ақпарат көзі : https://www.gov.kz/memleket/entities/atyrau-sayasat/press/news/details/1058285?lang=kk
Жауап қалдыру