Кентау қаласында «Таза Қазақстан» бағдарламасы аясында ерекше форматтағы аулаішілік плоггинг тазалық шарасы өтті. Бұл жолғы шара қаладағы Т.Рысқұлов көшесіндегі № 55, 57, 59, Әл-Фараби 47, 49 тұрғын үйлердің ауласында ұйымдастырылды.
Әр аула өз аумағын қоқыстан тазартып, жабайы шөптерден арылтты. Аула тұрғындары мен ата-аналар белсенділік танытып, балалар “Бір қап қоқыс — бір балмұздақ” ұранымен тазалыққа үлес қосты. Шара соңында балаларға ойыншықтар мен балмұздақтар таратылды.
Тазалық шарасының мақсаты — өскелең ұрпаққа қоршаған ортаға жанашырлықпен қарауды, туған жерін таза ұстауды үйрету. Мұндай тазалық шаралары алдағы уақытта қаладағы көпқабатты үйлердің аулаларында жалғасатын болады.
Ақпарат көзі : https://www.gov.kz/memleket/entities/turkestan-kentau-kalasy/press/news/details/1070222?lang=kk
Жауап қалдыру