Полиция қызметкерлері тәулік бойы, ауа райына қарамастан қызмет атқарып, жолдардағы тәртіп пен қауіпсіздікті қамтамасыз етеді. Олардың басты міндеті – тек жол қозғалысы ережелерінің сақталуын бақылау ғана емес, сонымен қатар қайғылы жағдайлардың алдын алу.
Бұл әсіресе ауа райы нашарлаған кезде өте өзекті бола түседі. Жаңбыр, дымқыл асфальт, көрінудің төмендеуі – мұның бәрі жол-көлік оқиғаларының қаупін арттырады. Сол себепті полиция әрбір жүргізушіні барынша мұқият әрі жауапты болуға шақырады.
Жолға шығар алдында өзіңізге мынадай сұрақтар қойыңыз:
• дәл қазір жаңбырлы ауа райында жолға шығу қаншалықты дұрыс?
• күтпеген жағдайға әрекет етуге реакцияңыз жеткілікті ме?
• көлігіңіздің жағдайы қандай, тежегіш, жарық шамдары мен шиналары жарамды ма?
Есіңізде болсын: жол қозғалысы ережелерін бұзғандарға заңға сәйкес шара қолданылады. Бірақ ең бастысы – жолдағы сақтық пен тәртіп адамдардың өмірі мен денсаулығын сақтауға тікелей байланысты.
Жетісу облысының полициясы тағы да еске салады: қауіпсіздік – әрқайсымыздан басталады.
Ақпарат көзі : https://www.gov.kz/memleket/entities/zhetysu-alakol-zhylandy/press/news/details/1082818?lang=kk
Жауап қалдыру