Ұлытау облысы дәстүрлі түрде еліміздегі мал шаруашылығы жақсы дамыған өңірлердің бірі болып саналады. Дегенмен, ауыл шаруашылығы жануарларының автожол маңында бақылаусыз жүруі жол қозғалысы қауіпсіздігіне қатер төндіреді.
Жол-көлік оқиғаларының алдын алу мақсатында Ұлытау облысының прокуратурасы мүдделі мемлекеттік органдармен бірлесіп осындай фактілердің алдын алуға бағытталған жол картасын іске асыруда.
Жүргізілген профилактикалық іс-шаралар нәтижесінде мал жаю ережелерін бұзғаны үшін 232 адам әкімшілік жауаптылыққа тартылды.
Қабылданған шаралардың нәтижесінде ағымдағы жылы малға соқтығысу деректері 67%-ға азайды. Бұл көрсеткіш құқық қорғау және жергілікті атқарушы органдардың бірлескен жұмысының тиімділігін айқын көрсетеді.
Прокуратура алдағы уақытта да бұл бағыттағы жұмысты жалғастырып, жол-көлік оқиғаларының алдын алу, азаматтардың қауіпсіздігін және олардың мүлкінің сақталуын қамтамасыз ету мәселелеріне ерекше назар аударатын болады.
Ақпарат көзі : https://www.gov.kz/memleket/entities/prokuratura-ulytau/press/news/details/1088264?lang=kk
Жауап қалдыру