Бүгін, 26 қазан күні Батыс Қазақстан облысы Сырым ауданында мәслихаттың №1 мандаттық аумақтық сайлау округі бойынша шығып қалған депутаттың орнына сайлау үдерісі басталды.
Сайлау Жамбыл ауылындағы №295 учаскелік сайлау комиссиясында да өтуде. Учаске төрағасы Жанарбек Дүйсеновтың басшылығымен сайлау жұмысы таңғы сағат 07:00-де Қазақстан Республикасының Мемлекеттік Әнұранын орындаумен салтанатты түрде ашылды.
Сайлау учаскесінде барлығы 134 сайлаушы тіркеліп, 135 бюллетень дайындалған. Азаматтардың еркін таңдау жасауына барлық жағдай жасалған. Жас ерекшелігіне немесе денсаулығына байланысты сайлау учаскесіне келе алмайтын азаматтарға үйден дауыс беру мүмкіндігі қарастырылған. Мұндай өтініштерді қабылдау жергілікті уақыт бойынша түскі сағат 12:00-ге дейін жүргізіледі.
Аудан тұрғындарының белсенділігі мен азаматтық жауапкершілігін айқындайтын бұл саяси науқан заң аясында, ашық және әділ өтуіне барлық қажетті шаралар ұйымдастырылған. Сайлау учаскесінде бақылаушылар мен жауапты тұлғалар жұмыс жасап жатыр.
Қоңдыкер ЕЛЕУОВ
Ақпарат көзі : https://www.gov.kz/memleket/entities/bko-syrym/press/news/details/1093517?lang=kk
Жауап қалдыру