БОЛАШАҚҚА ТАМЫР ЖАЙ

Сырым аудандық білім беру бөлімі Республика күнін ерекше акциямен айшықтады. “Болашаққа тамыр жай!” Экологиялық мәдениет пен отбасылық құндылықтарды дәріптеген ауқымды шара осылай аталады.

ҚР Егемендігі туралы декларация қабылданғанына 35 жыл толуына орай және «Таза Қазақстан» ауқымды экологиялық акциясын қолдау мақсатында Сырым аудандық білім беру бөлімі мен барлық 26 білім беру ұйымы белсене қатысып, мектептер аумағына 1434 түп ағаш егілді. Олардың ішінде жеміс ағаштары, шырша, қарағаш, көктерек т.б бар. Жүрек жылытатын жері – көшеттерді балалар әке – аналарымен бірге отырғызды. Әке ұлына күрек ұстауды, ана қызына талға су құйып, табиғатты қамқорлауды үйретті.

Бұл игі шара — тек ағаш отырғызу ғана емес,

жас ұрпақтың табиғатты аялау мәдениетін қалыптастырудағы,

отбасылық ынтымақ пен бірлікті нығайтудағы маңызды қадам болды.

Ата-аналар мен балалардың бірлесе атқарған еңбегі –

жасыл әлемге деген сүйіспеншіліктің, ортақ жауапкершіліктің және болашаққа деген сенімнің көрінісі.

Ағаш – өмірдің, жаңарудың және тұрақтылықтың символы.

Әрбір отырғызылған түп – табиғатқа жасалған қамқорлық қана емес,

болашақ ұрпаққа аманат етілген өмірдің тамыры іспетті.

«Болашаққа тамыр жай!» челленджі – жасыл мекенге, таза табиғатқа, жарқын болашаққа бірге қадам басудың айқын көрінісі.

Мейрамгүл ҚАПИЗ,

Сырым аудандық білім беру бөлімі