РЕСПУБЛИКА КҮНІНЕ АРНАЛҒАН ЖӘРМЕҢКЕ

Бүгін Жымпитыда “Ауылшаруашылық өнімдері – 2025” жәрмеңкесі өтті.

Жәрмеңкеде құрт, май, ет, ірімшік, тары, талқан, қайнатылған құрт, көже, айран, секілді табиғи өнімдер және балық, киім кешек түрлері сатылымға шығарылды.

Ауыл тұрғындарын тиімді бағада сатылатын ауылшаруашылық өнімдерін қамтамасыз ету мақсатында аудан әкімдігі, ауылшаруашылық және кәсіпкерлік қолдауымен жыл сайынғы дәстүрге айналған ауыл шаруашылығы өнімдерінің жәрмеңкесі өз деңгейінде концерттік бағдарламамен ұйымдастырылды.

Аудан әкімі Жұмагелді Батырниязов сауда қатарларын аралап, сатушылардың ұсыныс-пікірін тыңдады.

Ауыл әкімі Мейрам Қайырғалиев жәрмеңке сахнасында сөз сөйледі. Жәрмеңкені концерттік бағдарламадан бөлек “Қайсар” спорт клубының ұйымдастырған спорттық шараларымен лоторея ұтыстық ойыны қыздырды.

Қ.Жеңісұлы,

«СЫРЫМ ЕЛІ»