Кездесудің басты мақсаты – Мемлекет басшысы Қасым-Жомарт Тоқаевтың «Жасанды интеллект дәуіріндегі Қазақстан: өзекті мәселелер және оны түбегейлі цифрлық өзгерістер арқылы шешу» атты Қазақстан халқына биылғы жолдауын насихаттау және өңір бойынша атқарылып жатқан жұмыстармен танысу, қоғаммен кері байланыс орнату.
Басқосу барысында аудан басшысы Нұрхан Тлеумұратов өңірдің әлеуметтік-экономикалық дамуы туралы баяндама жасап, Мемлекет басшысы Қасым-Жомарт Тоқаевтың тапсырмасы аясында инвестициялық жобалар жүзеге асырылып, 150 гектарды құрайтын индустриялық аймақ құрылып жатқандығын жеткізді. Сондай-ақ білім саласына ерекше көңіл бөлініп, Хромтау қаласындағы №2 гимназиясы мен №4 орта мектебінде күрделі жөндеу жұмыстары аяқталып, Жазық ауылында 60 орындық мектеп құрылысы жүргізіліп жатқанын тілге тиек етті.
Ал Президент кеңесшісі Мәлік Отарбаев өз сөзінде осы Жолдауға жан-жақты талдау жасап, сонда айтылғандай, енді осы үш жылда елімізді цифрлық мемлекетке айналдыру үшін халық болып күш-жігерімізді жұмсауға шақырды.
Жиын барысында тұрғындар өзекті мәселелер бойынша сұрақ қойып, өз ой-пікірлерін білдірдіп, Президент кеңесшісіне мағыналы әңгімесі үшін алғыстарын жеткізді.
Ақпарат көзі : https://www.gov.kz/memleket/entities/aktobe-hromtau/press/news/details/1097304?lang=kk
Жауап қалдыру