Азаматтық авиация қызметкерлері күнінің қарсаңында ҚР Көлік министрлігінде ведомстволық наградаларды салтанатты түрде тапсыру рәсімі өтті.
Іс-шараға ТЖМ «Қазавиақұтқару» АҚ бас директоры Алпамыс Камалов қатысты.
Азаматтық авиацияны дамытудағы еңбегі үшін, құтқару жұмыстарына белсене қатысып, ұзақ жылғы адал қызметі мен жоғары кәсібилігі үшін Ми-8 тікұшақтарының командирі Мухамед-Шарип Ермеков «Құрметті авиатор» төсбелгісімен наградталды.
Қазіргі уақытта ол Алматы қаласындағы ТЖМ авиажасағында қызмет атқаруда.
Мухамед-Шарип Ермеков авиация саласындағы еңбек жолын 1984 жылы бастаған. Ол қызмет барысында түрлі типтегі әуе кемелерін меңгеріп, тәжірибелі, тәртіпті және жауапты ұшқыш ретінде өзін көрсете білді. Қазіргі таңда Ми-8 экипажын басқарып, іздестіру-құтқару жұмыстары мен санитарлық авиация саласындағы ең күрделі тапсырмаларды орындайды.
Ең жауапты ұшулардың қатарында орман өртін сөндіру, әуеден бақылау және су төгу жұмыстары, сондай-ақ COVID-19 пандемиясы кезінде шалғай елді мекендерден науқастарды қауіпсіз эвакуациялау сияқты миссияларды орындаған.
Ақпарат көзі : https://www.gov.kz/memleket/entities/emer/press/news/details/1151984?lang=kk
Жауап қалдыру