Атырау облысында есірткі қылмысының алдын алу және халықтың ақпараттық сауаттылығын арттыру бағытындағы іс-шаралар өз жалғасын табуда.
Осы орайда Атырау облысы полиция департаментінің Есірткі қылмысына қарсы іс-қимыл басқармасы қала тұрғындары көп шоғырланатын орындардың бірі — «Infinity» ірі ойын-сауда орталығында профилактикалық түсіндіру жұмыстарын жүргізіп, ақпараттық жадынама парақтарын таратты. Іс-шара барысында тұрғындарға есірткі заттарының қауіптілігі, олардың адам ағзасына және психикасына тигізетін зияны туралы кеңінен ақпарат берілді. Сондай-ақ, жасөспірімдер мен жастар арасындағы есірткі тәуелділігінің алдын алу жолдары, әлеуметтік желілер мен көшеде кездесетін қауіптер, сенімді достар мен отбасымен байланыс орнатудың маңыздылығы, сондай-ақ есірткі заттарын заңсыз қолданудың қылмыстық жауапкершілігі жан-жақты түсіндірілді.
Айта кетейік, облыс аумағында жыл басынан бері есірткі қылмысына қатысты 400-ге жуық брошюра таратылған.
Полиция қызметкерлері тұрғындарды есірткіден аулақ болуға және өз денсаулығы мен болашағын қорғауға шақырады.
Ақпарат көзі : https://www.gov.kz/memleket/entities/mvd-atyrau/press/news/details/1152340?lang=kk
Жауап қалдыру