С.М. Торайғыров атындағы мектепте полиция қызметкерлері интернет-алаяқтықтың алдын алу тақырыбында кездесу өткізді.
Кездесу барысында тәртіп сақшылары бүгінде жиі кездесетін интернет-алаяқтық түрлерін жан-жақты түсіндірді: фишингтік сайттар, банк қызметкерлері болып жалған қоңырау шалу мен хабарламалар жіберу, мессенджерлер мен әлеуметтік желілердегі аккаунттарды бұзу, сондай-ақ онлайн-сатып алулар кезіндегі алаяқтық.
Полиция қызметкерлері күмәнді қоңыраулар мен хабарламаларға сын көзбен қараудың маңызын атап өтіп, күрделі құпиясөздер мен екі факторлы аутентификацияны қолдану қажеттігін еске салды, сондай-ақ банктік карталардың кодтары мен деректемелерін үшінші тұлғаларға ешқашан бермеуге шақырды.
— Кездесу барысында қатысушыларға алаяқтық схемаларды тану, цифрлық қауіпсіздікті қамтамасыз ету және жеке деректерді қорғау бойынша практикалық ұсыныстар берілді. Сонымен қатар интернет-алаяқтықтың ең кең таралған тәсілдері туралы азаматтардың хабардарлығын арттыру мақсатында дайындалған ақпараттық буклеттер таратылды. Осындай іс-шараларды өткізу халық арасында сақтықты қалыптастыруға және интернет-қылмыстар санының азаюына ықпал етеді, — деп атап өтті Павлодар қаласы ПБ киберқылмысқа қарсы іс-қимыл бөлімінің бастығының міндетін атқарушы Олжас Рашитов.
Кездесу соңында қатысушылар өздерін қызықтырған сұрақтарын қойып, практикалық кеңестер алды.
Ақпарат көзі : https://www.gov.kz/memleket/entities/mvd-pavlodar/press/news/details/1152372?lang=kk
Жауап қалдыру