Облыста профилактикалық егулердің Ұлттық күнтізбесіне сәйкес халықты жоспарлы иммундау жүргізіледі, сондай – ақ бұрын егілмеген, егулер туралы деректерсіз 18 жасқа дейінгі балалар мен жасөспірімдер толықтыра иммундаумен егіледі.
2025 жылы облыс тұрғындары көкжөтелге, дифтерияға, полиомиелитке, қызылшаға, қызамыққа, паротитке, сіреспеге, пневмококк және гемофильді инфекцияға, іш сүзегіне, «А» және «В» вирусты гепатитіне, адам папилломасы вирусына қарсы шамамен 140 000 профилактикалық егулер алды.
2025-2026 жылдардағы эпидемиологиялық маусымда ЖРВИ және тұмау бойынша 82116 адам немесе облыс халқының жалпы санының 10,75% -ы егілді, жергілікті бюджет қаражатынан 80000 адам (100%), жұмыс берушілер қаражаты есебінен 2116 адам егілді.
Адам папилломасы вирусына қарсы вакцинацияны енгізу жөніндегі науқан басталғалы облыста бірінші дозамен 4866 қыз балалар егілді, оның ішінде 11 жас – 2471, 12 жас – 1281,13 жас – 1114.
2025 жылдың сәуірінен бастап АПВ-ға қарсы вакцинасының 2 дозасымен 3615 қыз балалар егілді.
Еске салатын нәрсе!
Егулерді тек қана жұқпалы аурулардан, бірақ бәрінен алыс емес, тек ауыр, қауіпті, күрделі асқынулар тудыратын аурулардан, сондай-ақ бір мезгілде көптеген адамдар ауыратын инфекциялардан (мысалы, тұмаудан) жасалады.
Егер дәрі-дәрмектер ауруды емдейтін болса, онда вакциналар аурудың алдын алады: олар инфекцияға дейін жұмыс істейді, ауру қаупін азайтады немесе аурудың ағымын жеңілдетеді. Бұрын жасалған егулер мен көпшілік егілген кезде қалыптасатын ұжымдық иммунитеттің арқасында инфекцияларды жұқтыру қаупі төмендейді.
Вакцинация жыл сайын әлемде 5 миллионға дейін адамның өмірі мен денсаулығын сақтауға ықпал етеді. Иммундаудың арқасында кейбір инфекциялармен сырқаттанушылық 90% -ға төмендеді.
Вакцинациялаудан бас тарту жұқпалы аурулардың ауыр ағымының, мүгедектіктің немесе өлімнің жоғары қаупіне, сондай-ақ қызылша, дифтерия, полиомиелит сияқты қауіпті аурулардың таралуына әкеп соғатын ұжымдық иммунитеттің төмендеуіне әкеледі.
Бас тарту – өзіңізді немесе балаңызды өмірдегі алдын алуға болатын инфекциялардан қорғау мүмкіндігінен айыру.
Құрметті ата-аналар! Балаларыңызға екпе алыңыз. Вакцинация балалардың сау, белсенді және бақытты болып өсуіне көмектеседі!
Ақпарат көзі : https://www.gov.kz/memleket/entities/departament-kkbtu-pavlodar/press/news/details/1154560?lang=kk
Жауап қалдыру