ҚР Еңбек және халықты әлеуметтік қорғау министрі Асқарбек Ертаев Премьер-Министр Олжас Бектеновтің төрағалығымен өткен Үкімет отырысында баяндама жасады. Ведомство басшысы әлеуметтік-еңбек саласын цифрландыру жөніндегі атқарылып жатқан жұмыстар мен еңбек нарығын жасанды интеллект сын-қатерлеріне бейімдеу шараларын туралы хабардар етті.
Өз сөзінде Асқарбек Ертаев Министрлік негізгі әлеуметтік салалардың деректерін біріктіретін Бірыңғай цифрлық платформаны қалыптастыру бойынша белсенді жұмыс жүргізіп жатқанын атап өтті.
«Мемлекет басшысының тапсырмаларын орындау мақсатында біз цифрлық құралдар арқылы еңбек қатынастарының ашықтығын қамтамасыз етудеміз. Бүгінгі таңда білім беру, денсаулық сақтау, мәдениет және спорт саласындағы 10 мыңнан астам ұйым мониторингте тұр. Біз республика бойынша шамамен 8 мың мектепте штаттық кестелерді декларациялау процесін толық аяқтадық. Бұл кадрлық деректердің нақтылығын мен ашықтығын қамтамасыз етуге, еңбек ақы қорының жоспарлау дәлдігін арттыруға, сондай-ақ қателіктер мен деректерді қайталаудың алдын алуға мүмкіндік береді», – деп хабарлады министр.
Сондай-ақ ведомство басшысы сабақтас салалар бойынша цифрландыруды аяқтаудың нақты мерзімдерін белгіледі. Ағымдағы жылдың бірінші тоқсанында денсаулық сақтау, мәдениет және спорт нысандары бойынша деректер толығымен енгізіледі. Бірінші жартыжылдықтың соңына дейін әлеуметтік сала объектілерінің қызмет алушылар және материалдық-техникалық қамтамасыз ету деректерін цифрландыру жоспарлануда.
Баяндаманың екінші маңызды бөлімі еңбек нарығын технологиялық өзгерістердің ықпалына бейімдеу мәселесі болды. Аскарбек Ертаев ағымдағы жылы халықтың жұмыспен қамтылуын дамыту Министрліктің стратегиялық бағыттарының бірі ретінде анықталғанын атап өтті.
Баяндаманың екінші негізгі блогы технологиялардың әсерінен еңбек нарығын трансформациялау болды. Ведомствоның болжамы бойынша, жасанды интеллектіні енгізу шамамен 300 мың қазақстандықтың жұмыс форматын өзгертуі мүмкін.
Осы тәуекелдерді басқару үшін Министрлік проактивті шараларға көшуде. «Атамекен» ҰКП және «PARYZ» жұмыс берушілер конфедерациясымен бірлесіп, мемлекеттік-жекешелік әріптестік негізінде Ұлттық кәсіптерді трансформациялау орталығы құрылуда.
«Орталықтың негізгі миссиясы – экономиканың нақты секторы үшін кадрларды жылдам бейімдеу. Біз даярлау жүйесін бизнестің шынайы сұраныстарымен үндестіруіміз керек. «Жұмысшы мамандықтар жылы» аясында тапшы бағыттар бойынша 10 мыңнан астам маман даярланатын болады: слесарьлар, газбен кесушілер, электриктер және басқа да техникалық кадрлар», – деп атап өтті А.Ертаев.
Бұдан басқа, ЖОО-лар мен колледждердің білім беру бағдарламаларын жаңарту жоспарланған. Жаңа кәсіби стандарттарға сәйкес 12 мың кәсіби дағды мен құзырет өзектендірілетін болады.
Сонымен қатар Министрлік мектеп оқушыларына ерте кәсіби бағдар беру жөніндегі жұмысты күшейтті. Ағымдағы жылы 100 мыңнан астам оқушы «Mansap.enbek» цифрлық платформасында кәсіби диагностикадан өтеді, бұл оларға болашақ мамандығын саналы түрде таңдауға көмектеседі.
Ақпарат көзі : https://www.gov.kz/memleket/entities/enbek/press/news/details/1159172?lang=kk
Жауап қалдыру