Өскемен қаласында ШҚО ТЖД құтқарушылары Ауғанстан соғысында қаза тапқан жауынгерлерге арналған Еске алу монументіне гүл шоқтарын қою рәсіміне қатысты. Бір минут үнсіздік жарияланып, соғыстан оралмағандарға құрмет көрсетілді.
Іс-шара кеңес әскерлерінің Ауғанстаннан шығарылғанына 37 жыл толуына орай ұйымдастырылды.
«Бұл іс-шаралар ШҚО ТЖД-де жыл сайын тарихи жадты сақтау мақсатында өткізіледі. Біздің қатарымызда жас құтқарушыларға үлгі болатын осындай қызметкерлер мен ардагерлердің бар екенін мақтан тұтамыз», – деді ШҚО ТЖД бастығының орынбасары Исхар Савазов.
ШҚО ТЖД-де азаматтардың қауіпсіздігі жолында бас құтқарушы Тимур Чанышев қызмет атқарады. Ауғанстандағы әскери қақтығыс жылдары ол Гардез қаласында жеке десанттық-шабуылдау бригадасында қатардағы жауынгер ретінде 2 жыл қызмет етті.
Ауған соғысы ардагерлерінің ерлігін ұмытпай, олардың рухына тағзым ету – патриоттық тәрбиенің және тарихқа деген құрметтің маңызды бөлігі болып қала береді.
Ақпарат көзі : https://www.gov.kz/memleket/entities/emer-vko/press/news/details/1161932?lang=kk
Жауап қалдыру