Соңғы уақытта өңірде «Kolesa.kz» платформасы арқылы автокөлік пен басқа тауарларды сатып алу кезінде интернет-алаяқтық фактілері жиілеп кетті. Қаскүнемдер келесі схемаларды қолданады:
• Өте төмен бағадағы хабарландырулар жариялап, құрбандарын тартады;
• Жеделдікке мәжбүрлеу жасап, ақшаны бірден аударуды сұрайды;
• Алдын ала төлемді алған соң байланысқа шықпай қалады;
• Кейде тексерілмеген сілтемелер арқылы төлем жасауға немесе құжаттарды рәсімдеуге шақырады.
Полицияның ұсынымдары:
1. Ақшаны алдын ала аудармаңыз — алдымен автокөлікті немесе тауарды жеке қарап шығыңыз;
2. Сатушыны тексеріңіз: байланыс ақпаратын, хабарландыру тарихын, пікірлерді анықтаңыз;
3. Сенімсіз сілтемелерге кірмеңіз және белгісіз қосымшаларды жүктемеңіз;
4. Жеке деректеріңізді (паспорт, банк реквизиттері, CVV кодтар) бермеңіз;
5. Алаяқтыққа ұшырасаңыз — дереу 102 нөміріне хабарласыңыз және сөйлесулер мен скриншоттарды сақтаңыз.
Абай облысы Полиция департаменті еске салады: заң әрбір азаматты қорғайды. Полицияға уақытылы жүгіну арқылы сіз тек өз ақшаңызды ғана емес, сонымен қатар қылмыстардың алдын алуға да үлес қосасыз.
Ақпарат көзі : https://www.gov.kz/memleket/entities/mvd-abay/press/news/details/1162191?lang=kk
Жауап қалдыру