Төлеби ауданында нашақорлықтың профилактикасы және есірткі қылмыстарына қарсы іс-қимыл бойынша мемлекеттік органдардың қызметін үйлестіру жөніндегі аудандық ведомствоаралық штабтың 2026 жылдың І тоқсанына арналған отырысы өтті.
Отырыста аудан аумағында есірткіге қатысты құқықбұзушылықтардың алдын алу, нашақорлықтың таралуына жол бермеу, әсіресе жасөспірімдер мен жастар арасында профилактикалық жұмыстарды күшейту мәселелері қаралды.Күн тәртібінде:
2025 жылдың І тоқсанында атқарылған жұмыстардың қорытындылары; білім беру ұйымдарында жүргізіліп жатқан алдын алу шаралары; ақпараттық-түсіндіру және медиа жұмыстардың тиімділігі; алдағы кезеңге арналған міндеттер мен ұсыныстар талқыланды.Жиын барысында жауапты мекемелерге нашақорлықтың алдын алу бағытындағы кешенді профилактикалық жұмыстарды жүйелі түрде жалғастыру, ведомствоаралық өзара іс-қимылды нығайту және қоғаммен тығыз байланыс орнату бойынша нақты тапсырмалар берілді.
Төлеби ауданы әкімінің баспасөз қызметі
Ақпарат көзі : https://www.gov.kz/memleket/entities/turkestan-tolebi-audany/press/news/details/1162281?lang=kk
Жауап қалдыру