ШҚО ПД жеке құрамына жаңа Конституция жобасының негізгі ережелері мен заңнамадағы өзгерістер түсіндірілді
Шығыс Қазақстан облысы Полиция департаментінің Арнайы және кәсіби даярлығы басқармасының қызметкерлері кәсіби қызметтік даярлық сабақтары барысында Департамент аппаратының жеке құрамымен оқыту іс-шарасын өткізді.
Бейнеконференция байланысы режимінде облыстың аумақтық бөліністерінің қызметкерлеріне Қазақстан Республикасының жаңа Конституциясы жобасының негізгі ережелері, сондай-ақ Мемлекет басшысы сөйлеген сөзінің негізгі тезистері жеткізілді. Жүргізіліп жатқан реформалардың маңыздылығына және олардың құқықтық тәртіп пен мемлекеттің құқықтық негіздерін нығайтудағы рөліне ерекше назар аударылды.
Сонымен қатар, сабақ барысында ішкі істер органдары қызметкерлерін даярлаудың жаңартылған бағдарламасы қарастырылып, типтік және стандартты емес қызметтік жағдайлардағы іс-қимыл алгоритмдері пысықталды. Дайындықтың практикалық бағыты кәсіби құзыреттілікті арттыруға, шешім қабылдау жеделдігіне және қызметтік міндеттерді орындау сапасын жақсартуға бағытталған.
Бөлек блок ретінде құқық бұзушылықтың алдын алу тетіктерін жетілдіруге және ведомствоаралық іс-қимылды күшейтуге бағытталған Қазақстан Республикасының «Құқық бұзушылық профилактикасы туралы» жаңа Заңының ережелері түсіндірілді.
Өткізілген жұмыс қызметкерлердің құқықтық сауаттылығын арттыруға және қызметтік іс-әрекетте қолданыстағы заңнама нормаларын қолданудың бірыңғай тәсілдерін қамтамасыз етуге бағытталған.
ШҚО ПД баспасөз қызметі
Ақпарат көзі : https://www.gov.kz/memleket/entities/mvd-vko/press/news/details/1164439?lang=kk
Жауап қалдыру