Алакөл ауданы әкімінің кеңейтілген кеңесі өтті.
Кеңес отырысында ауданның әлеуметтік-экономикалық даму бағытындағы өзекті мәселелер жан-жақты қаралды. Күн тәртібіне сәйкес әлеуметтік саладағы атқарылып жатқан жұмыстар мен алдағы міндеттер сараланды.
Сондай-ақ 2025 жылғы көлік салығын өндіру қорытындылары шығарылып, 2026 жылдың І тоқсанына арналған болжамды жоспардың орындалу барысы пысықталды. Ауыл шаруашылығы және жер қатынастары салаларындағы мәселелер көтеріліп, көктемгі дала жұмыстарына дайындық, жерді тиімді пайдалану және мемлекеттік бағдарламалардың жүзеге асырылуы талқыланды.
Коммуналдық сала бойынша тұрғын үй-коммуналдық шаруашылық, жол инфрақұрылымы және елді мекендерді абаттандыру бағытындағы жұмыстар қаралды.
Кеңес қорытындысы бойынша жауапты бөлім басшыларына белгіленген міндеттерді сапалы әрі мерзімінде орындау тапсырылды.
Ақпарат көзі : https://www.gov.kz/memleket/entities/zhetysu-alakol/press/news/details/1164952?lang=kk
Жауап қалдыру