Өкілдік тарапынан Адам құқықтары жөніндегі уәкіл жанындағы Үйлестіру кеңесінің мүшесі және «Еркіндік рухы» жастар қанатының өкілімен бірлесіп балалардың құқықтық сауаттылығын арттыруға бағытталған іс-шаралар ұйымдастырылды.
Кездесулер Алматы қаласы Білім басқармасының №2 арнайы әлеуметтік қызметтерге мұқтаж балаларды қолдау орталығында, сондай-ақ №1 арнайы мектеп-интернатында өтті.
Іс-шара барысында тәрбиеленушілер мен педагогтерге балалардың негізгі құқықтары мен заңды мүдделері, оларды қорғау тетіктері, сондай-ақ Адам құқықтары жөніндегі уәкілге жүгіну тәртібі түсіндірілді. Қатысушылар өздерін толғандырған сұрақтарына жауап алып, өзекті мәселелерді талқылады.
Мұндай іс-шаралар балалардың құқықтық мәдениетін қалыптастыруға және құқықтық сауаттылығын арттыруға ықпал етеді.
Ақпарат көзі : https://www.gov.kz/memleket/entities/ombudsman-almaty/press/news/details/1165065?lang=kk
Жауап қалдыру